CATANIA QUANNU CHIOVI

Oggi, Catania, di la pioggia vasata,
mi pari di l'aspettu 'n-pò ncazzata...!
E' sempri duci, di l'aria assai fina;
e,assumigghia a 'na bedda signurina,

ca s'ammuccia a l'occhi di la genti
picchì di l'aspettu 'mpacciata si senti.
Catania è sempri 'na cità di suli
e, quannu chiovi sù forti duluri.

Catania è sempri 'na cità di mari
e l'acqua c'avemu ni pò abbastari!
Picchì si chiovi cala 'n-ciumi 'n-china
e ppi la genti è 'na vera ruina.

ma lu Liotru è sempri cuntentu..
e, sciacquaria all'acqua e lu ventu.

Catania 21/10/2017