"LA TERRA DEI FUOCHI"

“E’ MMO' BBASTA"

Aiza ‘a capa Napule, scinne pe’mieze ‘e strade
E strille’ a stì schifuse: Me songhe sfasteriate.
Allucca, strilla, sbattete, astemma addirittura,
fall’accapì ca’ ‘e lloro nun tiene cchiù appaura.
Nun ponne cchiù decidere, pe’ tte ne pe’nisciune,
chi campa opppure more, chi magna o stà riune.
Chi t’avvelena ‘a vita, tramanne d’int‘o scuro,
chi arrobba a’ e figlie tuoie, ‘o suonno ‘e nù futuro,
nun se l’adda cavà cu’ ‘na lavata ‘e mane,
pe’isso, stu paese, nun tene cchiù dimane.
‘O munno adda capì ca nun si cchiù disposta,
pure si senza freva, a metterte ‘a supposta.
E chi te sporca ‘o nomme facenno ‘nfamità,
e ‘nsieme ca’ salute, te lev’a dignità,
po essere sultanto ‘na belva disumana
nun tene niente ‘a spartere cu’ ‘nu napilitano.

A. Nardiello