“Gira smaniosa attuorno a 'na luce
se posa 'ncopp' a 'na culunnetta
parte n'ata vota e 'na zampa s' abbrucia
s'arrevota comme 'a rota 'e 'na carretta.
Sbatte 'e scelle e s'arravoglie,
chella luce l'ha stunata,
poi capisce e s'arrepiglia
e fujie pe' chill'atu lato.
Sente, fujenno pe' 'na fenesta
n'addore che 'o viento ha purtato
e comme 'nu criaturo ammiezo 'a festa
se posa ncopp' a 'na cacata.
Mosca, tu oggi m'è 'mparato
che 'na cosa 'bbona nunn' è sempe 'bbella
e chello ca pare brutto e stutato
se pò appiccià comme 'na stella.