AMURI A PRIMA VISTA

AMURI A PRIMA VISTA

QUANNU TI VISTI PPI LA PRIMA VOTA
TU MI PIACISTI AMURI, A PRIMA VISTA!!!.
COMU NISCIUTU DI SUTTA 'NA ROTA...
LU SANGU M'ACCHIANAU NTA LA TESTA.
-.-
DI TIA M'INNAMURAI, E 'NA TIMPESTA...
SI SDUVACAU DI COLPU SUPR' A MIA...
PERSI LA PACI E FINIU LA FESTA;
FORSI PPI CULPA TO'... O, PPI LA MIA.
　
MA QUANTU TI NI DICU ....
MA QUANTU TI NI FAZZU ....
LU CORI TO' LU STUZZICU,
CI JOCU, LU STRAPAZZU!
E'....CA TI VOGGHIU BENI,
TI VOGGHIU BENI ASSAI !
QUANNU TU SI' CU MIA
MI SCORDU DI LI GUAI.
VULISSI CA TU STASSI
A LU ME CIANCU .....
QUANNU MI SENTU 'NFORZI
E QUANNU SUGNU STANCU.
VULISSI CA TU STASSI
ALLATU A MIA.....
PI DIRI A VUCI FORTI
CA SI' LA VITA MIA!!!
-.-
TU SI NA COSA DUCI E SAPURITA...
SU' LI TO LABBRA FATTI CU LA SITA....
LA PEDDI TO' CIAURUSA E VILLUTATA
AMANU ACCARIZZARI LI ME' JITA.
-.-
LI VASI TO' PPI MIA SUNU NU 'NGUENTU,
LI TO CARIZZI FATTI DI LI FATI....
VULISSI STARI, ANCORA PPI 'N- MUMENTU,
TRA LI TO VRAZZA SEMPRI APPASSIUNATI
^^^^^^^^^^^^^^^^^^^^^^^^^
SAVERIO GRANCAGNOLO
CATANIA 21-07-2013