TALIANNU MUNCIBEDDU

TALIANNU MUNCIBEDDU

STU' FOCU CA CALA A PINNULUNI
DI LA GRAN VUCCA DI LU MUNGIBBEDDU
MI 'NCANTA SEMPRI: E, COMU 'M-BABBASUNI,
CHIU' LU TALIU E CHIU' MI PARI BEDDU.

M'ATTIRA ASSAI LU RUSSU DI LU CELU,
CA ANNARBA LA NOTTI E DIVENTA JORNU;
'N-STRATU DILENU, LIGGERU COMU N-VELU
DI CINIRI SBRIZZIA TUTTU 'NTORNU.

LA LAVA SCINNI COMU N'-CIUMI 'N-CHINA
VERSU LA VALLI DITTA DI LU VOI
E PARI SEMPRI CU LA PANZA CHINA:

NON SI LAMENTA , SI FA LI FATTI SOI....
E COMU PPI MAGIA MAI S'ALLINCHI;
CI NI POI METTIRI QUANTA NI VOI.

CATANIA 04/03/2014