ETNA

ETNA

Sì la Riggina, matri biniditta:
Tu sì lu vantu tra la nostra genti;
non si malvagia, non fai mai vinnitta
di l'omini, li cosi, e dill'ambienti.

Tifone, lu gran dragu, ca hai intra,
nnì li toi ntragni, n'funnu ntra la terra,
quannu si vunchia scassa la finestra,
vummica focu.., ma non fa la verra.

(ritornello)
Mungibeddu tu veni chiamata,
di Catania, sì granni vantu...
Tu, di tutti sì... tant'amata!
Li to' trona nun fannu mai scantu...
Sì spittaculu veru e ncissanti:
Lu cannolu hai sempri lucenti...(il pennacchio)
La viduta è affatturanti(incantevole)
ccu tutta la nivi o lu focu ardenti.
Lu to fumu e li faiddi........
li vardamu ammavarati,
nna lu cielu, ca parunu stiddi,
s'astutanu e addumanu
e su acculurati.

Urano e Gea ti misunu a lu munnu,
tu, Etna, nascisti tra lu mari,
sì canusciuta nna lu globu tunnu
di tutti pari tu ti fai ammirari.

Sì meta di turisti e passiggeri.....
ma a tutti pari tu nni fai scantari,
si sì ncazzata, ppi li toi pinseri,
e tu la terra, attornu, fai trimari.

(ritornello)

Mungibeddu tu veni chiamata,
di Catania, sì granni vantu...
Tu, di tutti sì... tant'amata!
Li to' trona nun fannu mai scantu...
Sì spittaculu veru e ncissanti:
Lu cannolu hai sempri lucenti...(il pennacchio)
La viduta è affatturanti(incantevole)
ccu tutta la nivi o lu focu ardenti.
Lu to fumu e li faiddi........
li vardamu ammavarati,
nna lu cielu, ca parunu stiddi,
s'astutanu e addumanu
e su acculurati.


(finalino)
Tu ciaurii di zagara e ginestra,
di tutta la to genti ti fai amari.
Tu si lu faru, tu si la finestra,
di la Sicilia bedda e di lu mari.
Saverio Grancagnolo