STATI

"STATI"
(#dedicata a tutti gli amanti dell'Estate)

QUANNU TU ARRIVI,CCU STA FACCI BEDDA,
PORTI LU SULI NTA LA VITA MIA!
E LU ME CORI CA SPISSU S'ARRIFRIDDA
APPENA TRASI, SUBITU QUARIA!
-----....-----
JU DI LU NVERNU NUN HAIU NUSTALGIA
PIRCHI' LU FRIDDU TRASI NTRA LI OSSA!
LU CAURU MI PORTA L'ALLIGRIA...
E LA GRAN FRACCA SUBITU MI PASSA.
-----....-----
LA TERRA,LA NATURA, S'ARRISBIGGHIA,
L'ACEDDI SVULAZZANTI NTA LU CELU,
FISTANTI FANNU 'N-GRANNI PARAPIGGHIA..
NUN SENTUNU LU PISU DI LU JELU!
-----....-----
DI TIA JU SUGNU SEMPRI NNAMURATU...
L'UNICU AMURI RESTI SULU TU,
PIRCHI' MI LASSI SEMPRI SENZA CIATU
CCU LU CALURI CA MI SAI DARI TU.
CATANIA 30/04/2017
SAVERIO GRANCAGNOLO