CESARO'

CESARO'
Ben' accippata supra la cullina
comu si fussi na bedda signurina...
c'ammustra a tutti, li so' gran biddizzi
cu li so' doti e li so' finizzi.
--.--
Vasata di lu suli, a la matina
cu lu tò gran scinariu e l'aria fina..
si meta di turisti e furasteri:
Di paisani ma puru di straneri.
--.--
Lu Mungibeddu ca ti sta di facci
lu poi ammirari basta ca t'affacci
di 'n-parapettu a puru di 'n-balcuni:
Iddu, ti varda, e manna li vasuni!
--.--
Ca' la natura fu ppi tia binigna...
c'è tantu virdi, picca è la gramigna.
Li munti ca ti fannu ppi curuna
s'addumanu, la sira, cu la luna.
--.--
Di ' nvernu cu la nivi e lu gran friddu,
cumpari sempri 'n-niciulu ciuriddu!
E poi... la genti, cu lu so' caluri,
ti duna tantu forza e tantu amuri.
Catania 28/10/2014
Saverio Grancagnolo