MARIU

MARIU
Fusti lu primu a chiamarimi papà
e ju ti dissi: Mariu, venni cà
tra li me' vrazza figghiu miu aduratu....!
Appena ti strinciu mi manca lu ciatu.
Quannu nascisti, eri tantu beddu...
ca assumigghiavi propriu a 'n-ancileddu.
Di nicu, mi parevi 'n-bambolotto...,
tò matri ti chiamava... passarottu!
Poi, criscennu, lu passaru abbulò
ppi li sò strati e li sò vaneddi...
ccu tanti amici e fimmini beddi.
Sì bravu, spertu nta lu to travagghiu...
Straviri comu nuddu ppi tò figghiu...!
Ti auguru lu beni di lu munnu,
e, d' ogni cosa, quantu c'è di megghiu!
Catania 09/11/2017
Saverio Grancagnolo