CANCIA MISTERI

CANCIA MISTERI
MENTRI CA PASSIAVA
TRANQUILLU PPI LU CHIANU
'N-CRISTIANU MI TALIAVA
E, MI PROJIU LA MANU.
MA TU NON SI' SAVERIU
CUMPAGNU MIU DI SCOLA...?
MANCU MI PARI VERU...,
LU TEMPU COMU VOLA!
NICOLA MIU CARISSIMU,
NON T'AVA CANUSCIUTU...!
JU SUGNU FELICISSIMU
D'AVIRITI 'NCUNTRATU!
MA CCHI' MISTERI FAI,
CUSSI' ALLICCHITTATU!
COMORA.., L'ASSISSURI!
MA, PRESTU A LU SINATU.
MA, JU M'ARRICURDAVA
CA ERI PRUFISSURI!!!
E' VERU.., NUN SBAGGHIAVI,
MA ERANU DULURI!
FACENNU 'U PRUFISSURI,
JU NON VUSCAVA NENTI,
E, 'A FAMI, A TUTTI L'URI...
MI SIRRAVA LI DENTI!
MA ORA CA CANCIAI,
LU DICU A VUCI FORTI,
ORMAI MI SISTIMAI...,
FINIU LA MALASORTI!
PPI L'ARMA DI ME NANNU
NON SACCIU COMU FU...!
A MIA VUTO' LU MUNNU
LU VIDI PURU TU!
A CHIDDI COMU A MIA,
CA SU'TRAVAGGHIATURI,
LU DICU PURU A TIA
FACITI I SINATURI!
E' BELLU GUADAGNARI,
MUNTAGNI DI DINARI
PRUMETTENNU A LA GENTI
MA SENZA TRAVAGGHIARI...!
TI PAVANU LI VIAGGI,
LI SPISI SANITARI,
TI JINCHIUNU LI JAGGI
TI FANNU ARRICRIARI!
TI POI FARI NA VILLA...,
NA BELLA POSIZIONI;
MA LA COSA CCHIU' BELLA
SARA' LA TO' PINZIONI!!!
SIDDU MI VOI ASCUTARI...,
NON PERDIRI 'N-MUMENTU...,
VATTINNI A CANDIDARI
RITTU A LU PARLAMENTU!
SAVERIO GRANCAGNOLO
CATANIA 13/11/2017