PINZERU DI NATALI

PINZERU DI NATALI
LU ME PINZERU VA PPI STU' NATALI
A LA GENTI CA SOFFRI E CA STA' MALI
E A TUTTI CHIDDI CA, NNA' STI' MUMENTI,
PATISCIUNU FAMI, DULURI E LAMENTI.
LU ME PINSERU, VA A DDI CRISTIANI
ABBANNUNATI COMU TANTI CANI
CA, SOFFRUNU,N-SILENZIU, FRASTURNATI...
DI JORNU E NOTTI E SUNNU DISPIRATI!
LU ME PINZERU, VOLA VAGABUNNU...
E FA, VILUCI, 'U GIRU DI LU MUNNU:
S'AFFLIGGI PPI LA GRANNI CATTIVERIA
LI PREPUTENZI, PPI TUTTA LA MISERA!
NON CHIUDI L'OCCHI VERSU LI PUTENTI
CA FANNU STRAGI DI TANTI NNUCCENTI
SULU PPI SFIZZIU: E JOCANU A LA VERRA,
PPI SDISULARI LU BENI DI LA TERRA.
ORA CA VENI LU SANTU NATALI.....,
MI PARI GIUSTU, SAGGIU E NATURALI,
C'ALLOCU DI LI LOTTI, SIA LA PACI :
E' CHISTU LU NATALI CA MI PIACI!
SAVERIO GRANCAGNOLO
NATALE 2017