“
LA FESTA DI LI MORTI
RICORDU DI CARUSU,
LU JORNU DI LI MORTI,
CA ERA SEMPRI D'USU,...
TRUVARI 'I COSI 'I MORTI.
--.--
C'ERANU CAVADDUZZI,
CARRETTI SICILIANI,
PURU PUDDICINEDDA...
C'ABBATTEVA LI MANI!
--.--
E POI....L'OSSA 'I MORTI,
PUPIDDI AZZUCCARATI,
NSUDDI E PIPARELLI
E CICIRI CALIATI.
--.--
LA COSA CCHIU' PRIZIUSA
CA 'N-ANNU JU TRUVAI
FU 'NA FISARMONICA
CA SUBITU SUNAI.
--.--
DI TANNU 'N-POI LA MUSICA,
TRASIU NTA' LI ME OSSA,
ORMAI LA PORTU APPRESSU
P'ANFINA NTA'LA FOSSA!
--.--
LA FESTA DI LI MORTI:
CCHI BEDDA TRADIZIONI !
NON SI DURMEVA 'A NOTTI
TANT'ERA L' EMOZIONI.
--.--
LU MUNNU... ORMAI FURRIAU'',
E, SENZA FARI TORTU...,
LA FESTA ORA CANCIAU...;
E,HALLOWEEN E' A LU SO POSTU!
CATANIA 02/11/2016
SAVERIO GRANCAGNOLO